07 أكتوبر 2008

هذه هي مصر ((المشهد الأول))

هذه هي مصر ........







كاااااااااااات ..... إيه ياعم الهباب الاسود إللي انت بتقوله ده
... مصر إيه ياعم ...
بقولك هيروشيما .. هيروشيمااااااااااا .... مبتفهمش








-- هذا ما صرخ به المخرج خالد ...

رداً على ماقاله الممثل الفاشل إمام عن هذه الصورة

وذلك أثناء تصويرفيلم ((الإنهيار)) --


-- المشهد الأول --

الممثل ((إمام)) : معلهش بقه سيناتور ... أصل أنا بنسى



المخرج ((خالد)) : بتنسا إيه بس ياعم بقلنا أكتر من ثلاث سعات بنصور في المشهد ده .... انجز بقه ياااعم وخلصنا



الممثل ((إمام)) : ماشي يا بوص ولا يهمك ... ابدأ انت بس





المخرج ((خالد)) : ثري ... تو ... ون .... أكشن





الممثل ((إمام)) : الحرب العالمية الأولى كانت بداية لعصر مليان حروب ودمار وفشل كلوي ... وسرطان وحوادث سير وإلتهاب كبدي وهواء ملوث وعشوائيات وبلهرسيا ... وأزمة عيش ... وتعليم فاشل و أسمنت غالي وحديد في العلالي واحتكار ... يعني... مثلاً الـ .....





المخرج ((خالد)) : كااااااااااااااااااااااااااااااااااااااااااااااااااااااااااااااااااات .... يارب ... ياربي بتعمل فيه كدة ليه ... انت ياااعم ... بصلي بقة ... لإما هسيب الإخراج خالص .... لإما هتسيب انت التمثيل ... آه ... مهو احنا الاتنين منسلكش مع بعض ...





المخرج المساعد ((نورهان)) : خلاص ... خلاص هدي نفسك انت بس ... هو هيظبط أموره كلها





المخرج ((خالد)): آه ... ما انا ميجليش الضغط والسكر علشان حتتة فيلم





المخرج المساعد ((نورهان)) : خلاص بقة يا إمام ركز شويتين بقلنا أربع سعات بنصور في المشهد





الممثل ((إمام)) : هو فيه إيه ... هو انا عملت حاجة غلط .. أو قلت حاجة غلط





المخرج ((خالد)) : شوفتي .... شوفتي يا نور .... شوفتي الجدع ده بيقول إيه ... ده ميعرفش هو غلط في إيه ..... مش نافع .. والله مهو نافع ..... لالالا .... أنا مينفعنيش الراجل ده ..



المخرج المساعد ((نورهان)) : خلاص ... هدي نفسك انت بس .......... وانت ياعم إمام ركز شوية .... إيه البلهرسيا والإحتكار اللي انت بتقوله ده ؟؟



الممثل ((إمام)) : آآآآآآآآآآآآآآآآآآآآآآآآآآآآآآآآآآه ..... لا معهلش .... معهلش ياسيناتور .... أصل حال البلد لازق في نفوخي ... معلهش بقة ... عيد المشهد وهتلقيني فل الفل ..



المخرج ((خالد)) : يللا ... يللا يانور .... يللا يابني انت وهو ..... ثري .... تو .... ون ...... أكشن



الممثل ((إمام)) : يا اخوانا الحرب العالمية الأولى والتانية ... كانوا دمار للعالم كله ... وفساد لا حد له ... وفضل ليهم توابع ليومنا ده ... يعني مثلاً حريق مجلس الشورى ليس ببعيد ... ومصيبة الدويقة ... دي كانت كارثة .... حاجة مش طبيعية خالص ... وبعد كدة حريق المسرح القومي .... إييييه ده ... إييه ده ... حاجة فظيعة ... وبعد كدة حريقة مصنع الغزل والنسيج ... ده لوحده بلوة سوده ... وده كله طبعاً توابع للـ .....



المخرج ((خالد)) : زفت كااات ... كااااااات ياعم ... والفيلم كله كاااااااااات .. الغي الفيلم ... معدش فيه فيلم .... كل واحد يروح يروح لبيته .... يللاااااااااااااااا ... معدش فيه فيلم



المخرج المساعد ((نورهان)) : معهلش ... معلهش علشان خاطري .... هدي نفسك انت خالص .... وقفوا الشغل ... هناخد رست نص ساعة وبعدين نكمل .... إستنا انت يا إمام ... أنا عاوزاك خمسة كدة...



الممثل ((إمام)) : آه ... آه طبعاً ... اتفضلي .. اتفضلي



المخرج المساعد ((نورهان)) : إيه يا نجم ... مالك كده ..... منتاش في المود خالص النهارده ... مالك في حاجة مضيقاك ... في مشاكل في البيت ولا حاجة لا سمح الله ...



الممثل ((إمام)) : إيه .... لا لا .... أبداً .... مفيش حاجة خالص .... مفيش أي حاجة

المخرج المساعد ((نورهان)) : أمال .... مالك كده مش مركز خالص ....... وكل ماتبص على الصورة بتاعة هيروشيما .... تقول مصر ... وعمال تقول كلام غريب كدة مش في النص

الممثل ((إمام)) : بصي ... آه ... أنا عرفت إيه اللي مش مخليني مركز

المخرج المساعد ((نورهان)) : هو انت مكنتش تعرف كمان .... طب قول ... قول

الممثل ((إمام)) : الصورة ... آه ... الصورة هي اللي عملالي القلق ده كله .... يعني ياريت يانور لو تغيري الصورة ...و..وتحطي واحدة تانية ..

المخرج المساعد ((نورهان)) : بس ... يعني

الممثل ((إمام)) : مبسش .... أنا .. ماااا ..مااا .. مليش .. دعوة ... الصورة بتعملي قلق ... وبتخليني مش بعرف أركز خالص ... ياريت تشليها .... لو سمحت يعني ...

المخرج المساعد ((نورهان)) : خلاص .... خلاص ... هنشيلها .... بس يارب نلاقي وحدة تنفع تتحط مكانها ..

الممثل ((إمام)) : معرفش ... المهم انت تعرفي الأستاذ خالد ((المخرج)) .... وشوفوا هتحطوا إيه ...أو مش هتحطوا.. دي حاجة ترجع لكم

المخرج المساعد ((نورهان)) : ماشي ... خلاص أنا هكلمه .... وهنشوف الصورة إللي هتتحط مكان الصوره دي .. روح انت بس ريحلك شوية
















ليست هناك تعليقات:

إرسال تعليق