02 سبتمبر 2008

البلد باظت يا عيال


يااااااااه ....... ده انا ضحت سعتها ضحك ...
النهارده بعد صلاة الفجر كنت قاعد في حلقة ذكر المهم خلصنا أذكار الصباح .. فافتكرت الإخوة 11 المعتقليين فسألت واحد ليه قريبه معتقل من 11 المعتقليين :
أنا : إيه مفيش أخبار ؟؟؟؟
هو : أخبار عن إيه ؟؟
أنا : عن جوز اختك واللي الإخوة اللي معاه؟؟
هو : آآآآآآه .. لا ياسيدي كل الحكاية انهم وبعد ما كانوا واخدين أمر إفراج قعدوهم أربع أيام ومددلهم تاني وهينقلوهم بكره برج العرب ..
أنا : لا والله ... بتكلم بجد .... لا حول ولا قوة إلا بالله .. فعلا صدق القائل "البلد باظت يا عيال" .... طيب هم عملوا كده ليه ...
هو : بيقولوا علشان الأستاذ طارق قطب عضو مجلس الشعب عن الإخوان قدم بلاغات في المجلس يطالب فيها بالإفراج عن المعتقلين 11 اللي في الدقهلية .. يعني من الآخر بيقولوا : ((لو كنت سكتم مكناش عملنا كده))
أنا : ياه ... للدرجادي .. ده حتى عضو مجلس الشعب معدوش بيعملولوا حساب .. ده يا أخي في أمريكا عضو الكونجرس ولا كأنه رئيس ... ااايييييييييييه ربنا يسترها معاكي يا بلد .. ألا صحيح إيه حكاية المعتقلين 11 .. هم مش كانوا 10 إيه اللي خلاهم 11 ؟؟
هو : انت معرفتش ؟؟
أنا : عرفت إيه ؟؟؟؟ اوعى تقولي انهم اعتقلوا عبده .. هو صحيح بينتقد فيهم قدمنا ليل نهار .... بس هو حذر ..
هو : حذر يعني إيه ؟؟
أنا : يعني من الآخر مبيقولش حاجة قدام حد غريب .. ومبيظهرش في الصورة .. زيك كده بالظبط ..
هو : بتقول إيه .. زيي ؟؟؟!!!
أنا : يا عم بهزر ... بهزر والله .. قوللي بقه معرفتش إيه ؟؟؟
هو : من أربع أيام كدة أعتقلوا الأستاذ الشحات .. وأخد 15 يوم
أنا : انت بتهرج ؟!!
هو : لا والله بكلمك بجد .....
أنا : الأستاذ الشحات أبو محمد ؟؟
هو : آآه والله
أنا : يعيني عليك يا محمد .. أكيد مقطع نفسه من العياط ..
هو : لا ده زمانه فرحان .. أصل هم طلعوه امبارح .. وزمانه وصل البيت اللوقتي ..
أنا : أزاي يعني طلعوه ؟؟؟ انت مش بتقول أنه أخد 15 يوم
هو : بص بقه ياسيدي ... امبارح بالليل قام الراجل الطيب ده في وسط الزنزانة اللي كلها جنائيين .. وبقدرة ربنا قدر يقنعهم أنهم يصلوا معاه القيام .. وقام وصلى بيهم كلهم القيام ..!!!!
أنا : الله أكبر ... ربنا يبارك له ..
هو : طبعاً لم أمن الدولة عرفت بالحكاية دي ... علطووووول طلعوه .. خافوا ليفسد أخلاق المسجيين ..
أنا : بص أنا مش بحب الهزار في أوقات الجد .. لما أكلمك جد متبقاش تهزر ..
هو : والله العظيم بكلمك بجد ... ولو مش مصدقني .. إسأل البشمهندس محمد ..
أنا : يا بشمهندس ... بشمهندس ..الكلام ده صح ..
البشمهندس : آآآه والله الكلام ده حصل فعلاً ..
أنا : يااااه ... هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههه
ده ضحكي .. أأه والله أنا ضحكت سعتها ضحك ... طيب بأمانة دي مش حاجة تضحك ...

ليست هناك تعليقات:

إرسال تعليق